听楷叔讲古
星期日, 10月 12th, 2008 10:42 下午记得“细路哥”嗰阵，电视除了动画片都系D无趣嘅节目（细路哥嘅想法）。于是电台成为饭台时间嘅唯一娱乐。中午听三国，夜晚听水浒，总有一个台会出现楷叔的嗰把熟悉的声音，张悦楷、梁锦辉、颜志图、林兆明，一个个”讲古佬“，为我嘅童年增添唔少趣味。
嗰时曾经幻想过成为收音机里面嘅讲古老，屋企冇人嘅时候翻出老窦嘅旧书,用录音机同英语书配套嘅录音带模仿，”前文再续 啊（轻声） 书接上一回“ ，学住楷叔嘅语调，照板煮碗，”欲知后事如何，听日再讲……“，之后不断重播。
虽然未必会读返嗰D古仔嘅原著，单系模仿嘅过程中都间接促使我读左几本小说《清史演义》《说岳全传》就系嗰时睇嘎啦，讲返转头，呢班”讲古佬“其实系我阅读嘅启蒙老师。
今日再听楷叔讲三国，古仔依旧，物事全非，楷叔唔系度了，但古仔依旧陪伴大家，依家D细路哥有咁多玩具，有游戏机唔知仲有几多个会到时到候打开收音机听古仔呢？今次用广州话写作感觉好亲切，只有真正嘅母语先可以表达咁地道嘅题材。